Здабыткам грош цана і без вайны вайна
Паводле апытанняў, 59 працэнтаў беларусаў глядзяць у будучыню з песімізмам. Гэта найгоршы паказчык сярод краін Усходняга партнёрства. Да прыкладу, 45 працэнтаў украінцаў вераць у пазітыўныя змены. Суседзям я аддам даніну: Ужо каторы год вайна Рве на кавалкі Украіну, Але трымаецца яна.
Там многа бед спазналі людзі,
Аднак жа вераць (хоць не ўсе),
Што заўтра трохі лепей будзе,
Што акрыяюць пакрысе.
А тут зняверыўся дашчэнту
Сярмяжны братка беларус.
Чуваць папрокі прэзідэнту:
Маўляў, дыктатар ён і хлус.
Ці ёсць для гэтага падставы?
Нам абяцалі рай зямны,
А зараз іншыя заявы:
То шчасце, што няма вайны!
Ранейшыя надзеі-мары
Развеяліся, быццам дым,
І разагналіся, як хмары…
Але галоўнае не ў тым.
А мо чакае лёс шчаслівы,
Мо далягляд — не горкі хрэн?
Не верыць люд у перспектывы —
Няма ва ўладзе перамен.
Чаго змагла яна дабіцца?
Яе здабыткам — грош цана.
* * *
Мы не Украіна, ды як быццам
У нас і без вайны вайна…
Чытайце таксама ў рубры4цы «Фельетон»:
Хоць не радуе табло, ды грабуць гульцы «бабло»
Хоць нямоглая, аднак збудавала асабняк
Не замяніў замок і атрымаў урок
Як не цаніць вартаўніка, ён будзе красці спадцішка