Прыкарытнікі
Да трагізму палітычнай сітуацыі ў Беларусі вядзе не толькі сам узурпатар улады, але і армія яго служак-прыкарытнікаў. Якраз яны пішуць фальшывыя пратаколы камісій, пастановы судоў, пазбаўляюць смелых грамадзян месца працы, вучобы і сродкаў для існавання, кідаюць за краты ні ў чым не вінаватых людзей.
Рэвалюцыя лілей
Народнае пратэстнае абуджэнне ў Беларусі прапаную назваць рэвалюцыяй лілей. Тры жанчыны, якія ўзвалілі на далікатныя плечыкі груз дэмантажу замшэлай дыктатуры, вартыя высокай шаны. Дзякуй вам, Святлана, Марыя і Вераніка, за мудрае рашэнне аб’яднацца, за смеласць і мужнасць!
Доля былых
Усе людзі сталага веку — былыя. У такі статус непазбежна ўвойдзе кожны. Большасць пакідае за сабою добрыя сляды, але сустракаюцца індывіды, пасля якіх застаюцца матэрыяльны рэзрух і маральны заняпад. Менавіта ў гэтым — бязлітасная праўда чалавечага быцця.
Трубы саржавелі
У гэтыя дні, калі выявілася стаўленне звычайных грамадзян краіны да аўтарытарнай улады, якая цягам 26 гадоў акапалася ў Беларусі, зноў успомніўся знаёмы слесар. Ён, прыходзячы на аб’ект, доўга абстукваў трубы, уважліва разглядаў стыкі, а затым выносіў прыгавор: «Мертва система. Менять надо».
Няроўны бой
Стыхійныя пратэсты тысяч сумленных грамадзян Беларусі супраць аўтарытарызму набылі такі накал, што не проста вывелі з раўнавагі, але і моцна напалохалі кіруючы клан. Але пасля перыяду пэўнай разгубленасці, ліхаманкавага абмеркавання сітуацыі ён пайшоў у контратаку, не выбіраючы ні метадаў і спосабаў, ні сіл і сродкаў. Усплылі і пушчаны ў ход старыя, выпрабаваныя гадамі «спяцы» па барацьбе з дэмакратыяй.
Гістарычны момант
У апошнія дні, калі ўключаю тэлевізар, то не пакідае ўражанне, быццам на экране мітусіцца агрэсіўная цётка з Камароўкі, нечым пакрыўджаная на ўвесь свет, якая ўсюды бачыць ворагаў, пагражае ім зямнымі і нябеснымі карамі. Для мяне ў прымітыўным абрыдлым спектаклі сенсацыі няма.
Старыя прыёмчыкі
Заўжды, калі ідзе выбарчая кампанія, улада выцягвае для барацьбы з канкурэнтамі старыя прыёмчыкі: правакацыі, хлуслівыя абвінавачванні, а затым і пасадкі ў ізалятар. Калі б з такім імпэтам службоўцы шчыравалі на эканоміку, то дабрабыт у Беларусі падскочыў бы да касмічных вышыняў.
Барадатыя праблемы
Практыка паказвае, што за апошнія гады беларуская эканоміка не зрабілазруху ў бок прагрэсу. Міністэрствы і ведамствы не могуць давесці да ладу нават нібыта дакладна пралічаны, падрыхтаваны праект. Яго распачынаюць, убухваюць вялікія сродкі, але ўсё канчаецца безвынікова.
Рэальны прэтэндэнт
Пасля сумбурнага грамадскага волевыяўлення 1994 года і ўсталявання ў нашай краіне аўтарытарызму я глядзеў на ўсе выбарчыя кампаніі як на фарс і перастаў удзельнічаць у галасаванні. Змушалі дзве прычыны: ведаў, што падлік галасоў — хлуслівы, а прэтэндэнты — непадрыхтаваныя і няздольныя перамагчы ў складаных умовах.
Без панікі
Па былых лякалах, у палоне савецкіх міфаў пра Вялікую Айчынную вайну афіцыйная Беларусь адзначыла 75-годдзе Перамогі над фашысцкімі захопнікамі. А суайчыннікі па-за казённай пампезнасцю згадалі ўдзячным словам родзічаў і ўсіх герояў, якія аддалі жыццё за свабоду, пакланіліся жывым ветэранам.